Suliffeqarfiup aaqqissuussaanera aqqutigalugu Kommune Qeqertaliup najukkami sullissinermut akisussaaqataatitsineq atulerpaa. Pisarialimmik sullissinerup ataatsimoorussamik paasineqarnissaa Kommune-p massakkut suliaralugu aallartippaa; Kommune-mi tunngaviusumik ilinniarsimassuseq pillugu INUA-mi ilitsersuut pitsaanerusoq ilusilersorneqarpoq. Kommune-p sulinera paasiuminarnerussaaq aamma innuttaasunik oqaloqateqarneq ataatsimiititaliani Kommunabestyrelse –milu ataatsimiinnernit pisariaqartitanik piumasaqaatinilluunniit, ilimagisanik imaluunniit pisariaqartitanik naammaginartumik tunniussissaaq imaluunniit naammassinnissaaq, ima; uppernarsaatit isertuussaanngitsut tamanut saqqummiuttarlugit. Suliaq qanoq
suliarineqartarnerinik takunnissinnaatitaaneq sulianik takusaqarsinnaanermut aalajangernermi tunngaviussaaq. Taamaattumik Kommune –p sulineranik paasiuminarsaaneq annersumik suliarissavaa. Paasissutissanik ingerlatitseqqiisarnermik aaqqissuussaq aqqutigalugu attaveqartarnermik sulineq aamma nukittorsarneqassaaq. Atorfillit atorfitsik aallaavigalugu atornerluinnginnissaat, pissaanermik atornerluisoqannginnissaa aamma pisortat aningaasaataannik atornerluisoqassanngitsoq Kommunalbestyrelse–p kissaatigaa qulakkeerumallugulu.
Kommunimi pilersaarummi makku suliarineqassapput
- Innuttaasut akuutinneqassapput. peqataatinneqarlutillu tusarniaanertigut
- Kommunimut pilersaarut nutartersimajuarneqassaaq tusarniaanernit, nutarterinernit aamma paasissutissanik.
Immikkoortortanut suliassani makku ukkatarineqassapput
- Ataatsimiittarfiit digitaliusut inerisarneri, taamaalilluni innuttaasut inoqarfinnit assigiinngitsuneersut katersorsinnaalerlugit.
Kommune Qeqertalimmi kommunimut pilersaarummi 2025-2037-imi innuttaasut siunnersuutaat ilaatinneqassapput:
- Innuttaasut misigissavaat peqataatinneqarlutik.