Iliuusissatut pilersaarut 2023 Kommune Qeqertalimmi iliuusissatut pilersaarutaavoq siulleq, kommunip avin-neqarnerata kingorna. Iliuusissat saqqummiunnerisigut Kommunalbestyrelsip saqqummiuppai politikkikkut takorluukkat, naleqartitat suliniuteqarfissallu.
Iliuusissatut pilersaarummi 2023 aalajangersarneqarpoq, Kommune Qeqertalimmi kommunimut pilersaarut 2018-2030 qanoq nutarterneqassanersoq. Siunertaavoq Kommune Qeqertalimmi kommunimut pilersaarut nutaaq 2025-2037-imut tunngasuussasoq.
Kommunalbestyrelsi 2023-imi kommunimi innuttaasut akornanni tusarniaasimavoq. Kommunalbestyrelsip pingaartissimavaa, ammasumik innuttaasunillu peqataatitsilluni tamatuma suliassap
suliarineqarnissaa.
Iliuusissatut pilersaarut 2023 maanna Kommunalbestyrelsip sapaatip akunnerini arfineq pingasuni tusarniutigissallugu nassiuppaa.
Atuarluarisitoq
Kommunalbestyrelse sinnerlugu
Borgmester Ane Hansen