Pilersaarusiorneq aamma nunaminertat atorneqartarnerat pillugit Inatsisartut inatsisissaannik nalunaarut, 25. januar 2024 atuutilersoq (Pilersaarusiornermut inatsit) naapertorlugu, Kommunalbestyrelsi, kommunalbestyrelsimut qinigaaffiup affaata siulliup naannginnerani, tamanut saqqummiuttussaavaa, kommunimi, kommunimut pilersaarusiornermi periusissatut siunnersuut. Kommunalbestyrelsip siunnersuut taamaattoq pisariaqartutut naleqquttutulluunniit isumaqarfigiguniuk, sukkulluunniit suliaqarsinnaavoq tamanullu ammasumik saqqummiussisinnaalluni.
Kommunalbestyrelsi aaliangersimavoq Iliuusissatut pilersaarummut 2023-imut siunnersuut imaqassasoq, kommunimut pilersaarummi qulequttanik nutarterinissamik aamma kommunip iluani sumiiffinni nutarterinissamik.
Kiisalu Iliuusissatut pilersaarummut 2023-imut siunnersuut imaqassaaq, qanoq iliorluni piujuaannartitsineq tunngavigalugu ineriartorneq kommunimut pilersaarummut ilanngunneqarsinnaanersoq.
Iliuusissatut pilersaarummut piumasaqaatit makkuupput:
Kommunalbestyrelsimi suleqatigiinnissamut isumaqatigiissut 2023-meersoq. Taanna sioqqullugu suleqatigiinnissamut isumaqatigiissut 2021-imeersoq kommunalbestyrelsip qinigaaffiata aallartinnerani. Taamaattumik Iliuusissatut pilersaarummut killiffissiuineq manna isumaqatigiissummik 2023-imeersumik tunngaveqarpoq, taamaattumik Iliuusissatut pilersaarut 2023-itut taaneqarluni.
Takorluugaq
26-03-2024 Kommunalbestyrelsip aalajangerpaa Kommune Qeqertalimmi takorluugaq.
Kivitseqatigiinneq
Kommune Qeqertalimmi suleqatigiilluta, ikioqatigiilluta suleqatigullu tatigilluinnarlugit angusassanik annertunerusunik angusaqartassaagut.
Pingaartitat
26-03-2024 Kommunalbestyrelsip akuersissutigai Kommune Qeqertalimmi naleqartitat.
Ataqqeqatigiinneq
Kommune Qeqertalimmi oqaloqatigiinneq, tusarnaarsinnaaneq, isumassoqatigiinneq
pissuserissaarnerlu aqqutigalungit paaseqatigiinneq
aqqutissiuunneqartassaaq.
Attaveqatigiinneq
Kommune Qeqertalimmi suliatsinni ataqatigiinneq, malinnaatitsineq avitseqatigiinnerlu ilersinneqassapput oqaloqatigiinneq siunnersuinerlu aqqutigalungit.
Suliamut tunniusimaneq:
Kommune Qeqertalimmi pingaartippagut:
- Ilinniagaqarneq.
- Tunniusimaneq.
- Piginnaaneqarnerlu.
Taakkuupput aalajangersakkanik pilersaarusiornermi timitaliinermilu naammassisaqarluarnissamut qulakkeerisut.
Pingaartitat pillugit paasisaqarnerorusukkaanni illoqarfimmi imaluunniit suliffimmi pisortarisaq qaninneq paasiginiaavigineqassaaq.
14 Periusissiorluni suliniuteqarfissat
Periusissiorluni suliniuteqarfissat aqqaneq isikkaneq marlooqqaarsimariarlutik maanna isikkaneq marlunngorput parti Siumup siunnersuuteqarnera naapertorlugu.