Ikinnerussuteqartut oqaaseqaataat:
- Inassuteqaat amerlanerussuteqartunit akuerineqarpoq. Inuit Ataqatigiit,
- Demokraatinit, Atassummit, Naleqqamit Attaviittumillu. Siumut itigartitsivoq ikinnerussuteqarlutillu oqaaseqaammik nassiussillutik: Kommunalbestyrelsip ataatsimiinnissaani 6. Februar 2025 punkt 6 planstratege-p akuersissutiginissaanut siunnersuut Siumumit itingartipparput makku tunngavigalugit:
Qallunaatoorlugu planstrategi QBC-mut tunngasortaa akuersaarniarnagu Siumumit
isummerpugut makku pissutigalugit:
- QBC-mi sulisup ukiortaami QNC pillugu oqalugiarnermini paasitippaatigut sunik suliniuteqarnerminnik. Oqaatigalugulu suliat Borgmesterimut saqqummiunneqartarsimasut. Ajoraluartumillu ataatsimiititaliap Inoqarfiup akisussaanerpaasut QBC-p suliai pillugit ilisimasaqarfiginngilai ataatsimiittitaliamut apuuttoqarneq ajormat. QBC-milu siulersuisut tusarneqarneq ajoramik naak Inoqarfiup ataatni inissisimagaluarlutik.
- QBC aallartinneraniilli angusanik ersarissunik inuutissarsiornermut tunngasunik suli takusaqanngilagut ataatsimiititaliami kommunalbestyrelsimilu.
- QBC planstratege malillugu siunissami annertuumik suliaqalertussaavoq
inuussutissarsiutinut tunngasuni kommunerput tamaat.
Maannalu QBC siunissami suliassai tusarniutigineqarnikuunatik nunaqarfimmi
aqutsisunut, ataatsimiititaliani tamani, kommunalbestyrelsimilu. Tamakku pereerpata
aatsaat planstratege akuerineqarsinnaanersoq saqqummiunneqassaaq.
- Piumasariniarparput Inuustissarsiutinut tunngasumi immikkut QBC atorunnaarsillugu, kingumut inuussutissarsiornermut ataatsimiititaliap atuutileqqinnissaa, politikkikkut aalajangingassat ingerlaannaq qinikkanik aalajangerneqartassammata.
- QBC siunissami suleriarnissaa allaffissornikkuinnaq suliaavoq, pineqartussanullu tusarniutigineqarnikuunani. Kissaatiginarpoq qinersereernerup kingorna qinikkat nutaat Planstratege aamma QBC-mut tunngasoq aalajangiffigissangaat.
- Atorfilittat atorfeqartinneqartut inuutissarsiornermini ataatsimiititaliami suliinnarsinnaaneranik neqeroorneqassapput