Qaasuitsup Kommuniata anguniagalimmik inerisarneqarnissaa pingaartillugu iliuusissatut pilersaarut una suliarineqarpoq. Takorluukkap nutaap ukiuni aggersuni suliassanik tikkuutissavaatigut aamma “iluatitsiviusinaasunik” tikkuutissalluta.
Qaasuitsup Kommuniani inuit, misigisat ineriartornerillu assigiinngitsut inissaqartinneqarput. Pinngortitarsuaq, pinngortitamiittut nukiit, kulturi immikkuullarissoq - atorlugit inuunermik nutaamik, ataatsimoorfigisanik nutaanik, imminut napatissinnaasumik nutaaliaasumi inerikkiartorneq inuillu inerisarneqarneri pilersikkiartuaassavagut.
Nunarsuarmi kommunet annersaanni inissaqartitsisoqarpoq - misigisaqarnissaq, suliaqarsinnaanissaq, inuit ataatsimooqatigiittullu, inuttut inuuneq, inuit akornanni inissaqartitsineq pitsaasumillu inuuneqarneq aamma inissaqartinneqarluni. Oqariartaat:
Qaasuitsup Kommunia: Tamatigoortuneq aqqutigalugu ineriartorneq.
Qaasuitsup Kommuniani nunarujussuuvoq taannalu inissaqarpoq aamma inuit inissaqartinneqarput.
Takorluugaq Qaasuitsup Kommuniani immikkut ittutut anguniarneqarpoq; naalakkersuinermik suliaqartut allat tamarmik suliniutillu taanna siunnerfigaat. Qaasuitsup Kommuniani suut inuussutissarsiutigineqassanersut qanorlu pingaarnersiuisoqassanersoq takorluukkami tunngaviulluinnarpoq. Kommunemilu nukiit kommunep inerisarneqarnissaanut atugassat qanoq ataatsimuuler-sinneqassanersut aamma takorluukkap imaralugu.
Takorluugaq sisamanik naleqartitanik aallaaveqarpoq; taakku Qaasuitsup Kommuniata immikkullarissusaanut ilisarnaataapput. Naleqartitat sisamat taakku Qaasuitsup Kommuniata siunissami ilisarnaatigissavai asaneqaatigissallugillu. Kommunemi suliniutit tamarmik naleqartitanut taakkunanut sisamaasunut attuumassuseqartassapput.
Qaasuitsup Kommuniani naleqartitat sisamat tassapput:
- Ataatsimoorneq
- Ilinniarneq
- Assigiinngisitaarneq
- Tikikkuminassuseq
Qaasuitsup Kommuniata ataatsimoorneq kulturikkut kinaassusitsinnut ilaasutut isigaa. Ataatsimoornitsigut toqqissisimaneq pigilersarparput akisussaaffeqarusutsimillu taanna pilersitsisarpoq.
Siunissami periarfissarpassuit atorluarniarlugit ilinniarneq immikkut sammineqassaaq.
Kalaallit Nunaata avannaani assigiinngisitaarneq nukittoqqutigaarput – pinngortitarsuaq immikkuullarilluinnartoq, ukiup ingerlanerani pinngortitap allanngorarnera, pinngortitap nuking, misigisassat, inuiaqatigiit kulturikkut uummaarissut. Tassapput siunissami pigiuarusutagut aalajangiussimallutalu piujuartinniagassagut.
Kalaallit Nunaata avannaani inussiarnerneq, kialaarneq ammasuunerlu ileqqutsinniittut atorlugit tikikkuminassuseq immikkut erseqqissarsinnaavarput.
