Kommunimut pilersaarummik 2018-2030-moortumik nutarterineq, Kommune Qeqertaliup kommunimut pilersaarummut 2025-2037-moortumut siunnersuutaa
Kommunimut pilersaarut ingerlaavartumik nutarterneqarpoq kommunimut pilersaarummut tapiliussat aqqutigalugit. Tapiliussat tamakku akuerineqaraangamik kommunimut pilersaarummut tamakkiisumut ikkunneqartarput ilaalerlutillu.
Kommunimut pilersaarummik 2018-2030-moortumik nutarterineq, Kommune Qeqertaliup kommunimut pilersaarummut 2025-2037-moortumut siunnersuutaata malitsigissavaa
- Inoqarfinni tamani nunaannarmilu Immikkoortortanut aalajangersakkat qimerloorneqassapput nutarterneqarlutillu
- Inoqarfinni tamani illoqarfiup immikkoortortaani aalajangersakkat sukumiisut suliarineqassapput, maannamut aalajangersagaliorfiusimanngitsuni, taamaalillutik nunaminertat pineqartut suliarineqarsinnaalersillugit
- Nunaannarmi immikkoortortani killissarititaasunik aalajangersagaliorneq nunaqarfiusimasuni, taamaaliornikkut tamakkunani illuaqqanik aasarsiortarfinnik sanasoqarsinnaalersillugu
- Qasigiannguani erngup nukiga atorlugu innaallagissiorfiup atortulersuutaalu pillugit pilersaarutit ilanngunneqarnissaat
- Nunaminertanik aqutsinermi aalajangersakkanik nutarterineq
Anguniagaavoq pingaarneq, kommunimut pilersaarut nutaaq, Kommuneq Qeqertalimmi kommunimut pilersaarut 2025-2037, tunngaviliisussaq pisariitsumik suliamillu paasinnittumik aqutsinissamut.
Anguniagaavoq periaatsit ileqqullu ikorfartussallugit atuutsilissallugillu, kommunip naleqartitaanut tulluartut.
Pilersaarusiortarneq pillugu inatsimmi nutaami piumasaqaataavoq, iliuusissatut pilersaarut paasissutissanik imaqassasoq, qanoq iliorluni piujuaannartitsineq tunngavigalugu ineriartortitsineq kommunimut pilersaarummi atuutsinniarneqarnersoq. Erngup nukinganik innaallagissiorfissaq atuutilerpat tamanna immini atortulersuutit eqqarsaatigalugit piujuaannartitsinermik tunngaveqarluni iliuuseqarnertut isigisariaqarpoq.