Innarluutillit politikkia inerisarneqassaaaq. Inuit innarluutillit siunnersuisoqatiivinik pilersitsinikkut kommunitsinni Inuit innarluutillit atugaasa pitsaanerulersinnissaanut tusarniaasarnikkut peqataatitsineq pilersinneqasaaq. Innarluutillit Kommune Qeqertaliup avataanut ulloq unnuarlu angerlarsimaffimmiittut utertinneqarnissaat anguniarlugu ulloq unnuarlu angerlarsimaffimmik pilersitsisinnaaneq qulaajaavigineqassaaq, pilersitsisoqarsinnaanera anguniarlugu. Innarluutilinnut angajoqqaat atukkamikkut pitsanngorsaavigineqarnissaat sulissutigineqassaaq, ilaatigut ilisimasalinnik imaajaaffissaqarnissaat anguniarlugu. Inuit innarluutillit ilinniartitaanerisa suliffeqartitaanerisalu periarfissagissaarnerulernissaat suliffeqarfiit qanimut suleqatigalugit periarfissat pitsanngorsarneqassapput. Inuit innarluutillit najugaqatigiiffii inuit innarluutillit pisariaqartitaannut pisinnaatitaaffinnullu naapertuuttumik aaqqissuunneqassapput. Inuit ersinngitsumik innarluutillit tarnimikkullu nappaatillit eqqumaffigineqarnerat sullinneqarnerallu pitsaanerusoq anguniarneqassaaq. Tarnikkut innarluutillit isumagineqarnerat peqqinnissaqarfik qanimut suleqatigalugu pitsangorsaavigineqarnerat sulissutigineqassooq.
Kommunimi pilersaarummi makku suliarineqassapput
- Innarluutilinnut inissiat pitsaasut timikkut tarnikkullu pisariaqartitsisunut.
- Sumiiffigisinnaasanik pitsaasunik toqqissisimanartunillu pilersitsineq.
Immikkoortortanut suliassani makku ukkatarineqassapput
- Angallannermi nutaamik pilersaarusiornermi innarluutilinnut tikikkuminarsaaneq ukkanneqassaaq.
- Innarluutilinnut politikki eqeersimaarfigineqassaaq.
Kommune Qeqertalimmi kommunimut pilersaarummi 2025-2037-imi innuttaasut siunnersuutaat ilaatinneqassapput:
- Innuttaasut akuutinneqassapput.