Kommune Qeqertalimmi meeqqat inuusuttuaqqallu ornittagaat nukittorsarneqassapput, nukittorsaanerup kingunerissavaa ornittakkani sulisut sullissillaqqinnerulernermikkut meeqqat inuusuttuaqqallu pisariaqartitsisut siusinaarnerusumik ikiorserneqarsinnaanissaannik aqqutissiueqataanissaat. Tamanna anguneqassaaq sunngiffinni ornittakkani aqutsisut illoqarfinni isumaginnittoqarfimmik kommunitsinnilu MISI-mik suleqateqarnissamik annertusaatinnerisigut sulisut piginnaasaannik qaffassaanikkut.
Susassareqatigiinneq attakkumavarput, angajoqqat sulineranni meeqqat isumannaatsumik ornigassaqarnissaat tamatta akisusaaffigaarput, taamattumik nunaqarfinni atuareernerup kingorna ornittakkat ulluunerani suliffiup nalaani ingerlalernissaat qulakkeerneqassapput.
Kommunimi pilersaarummi makku suliarineqassapput
- Ornittakkanut nunaminertanik periarfissiineq.
- Sunngiffimmi sammisassat pitsaasut.
Immikkoortortanut suliassani makku ukkatarineqassapput
- Qaammaavik ukkallugu
- Ornittakkat ulloq unnuarlu ukkallugit
Kommune Qeqertalimmi kommunimut pilersaarummi 2025-2037-imi innuttaasut siunnersuutaat ilaatinneqassapput:
- Neqeroorutit siammasissut.