Utoqqarnut politikki: Kommune –mi utoqqaat tusarniaaffigineqarnissaat sulissutigineqassaaq aamma taakkua kissaataat utoqqarnut politikkimi ilaatinneqassapput. Qeqertarsuarmi utoqqaat illuata utoqqaat paaqqutarineqarnissaminnik pisariaqartitsinngitsut najugaqatigiiffiat misileraatigaa aamma utoqqaat angerlarsimaffimminni kisimiillutik najugaqarusunngitsut ajunngitsumik neqeroorfigineqarnissaminnut periarfissaat nalunaarusiarisarpaat. Utoqqaat ataatsimoorussamik najugaqateqarfeqarusunnertik, angerlarsimaffimmilu ikiorteqarnerup eqaallisarneqarnissaa imaluunniit allatigut tapersersortilluni ikiorneqarsinnaanerit pisariaqartillugit oqaatigisartagaat misissorneqassapput. Neqeroorummut utoqqaat namminneq soqutiginninnerminnik tunngavilersuutaat Kommune-mi utoqqarnut politikkip ineriartorteqqinneqarnissaannut tunngaviussapput. Aasianni immikkut utoqqaat ornittagaqalernissaat misissorneqassaaq (Utoqqaat ornittagaat utoqqaat illuaniimmat).
Kommunimi pilersaarummi makku suliarineqassapput
- Utoqqarnut inissianik nutaalianik inissiineq.
- Inissiani pioreersuni nutaaniluunniit utoqqarnut najugaqaqatigiiffinnik periarfissiineq.
- Ornittakkanik periarfissiineq.
- Ataatsimoorluni biiliunneqarsinnaaneq.
Immikkoortortanut suliassani makku ukkatarineqassapput
- Utoqqarnut politikki.
- Ataatsimoorluni kisimiillunilu angallanneqarnerit.
Kommune Qeqertalimmi kommunimut pilersaarummi 2025-2037-imi innuttaasut siunnersuutaat ilaatinneqassapput:
- Innuttaasut kommunip politikkiinut. akuutinneqassapput aamma sapinngisamik. ukioqatigiiaat arlallit peqataasoralugit.