Anguniarneqarpoq Kommunimut pilersaarut, Kommune Qeqertalik 2025-2037. Pilersaarusiornermut inatsit malillugu kommunimut pilersaarummut piffissaliussaq sivikinnerpaamik ukiunik 12-inik sivisussuseqassaaq.
Kommunalbestyrelsi 2021-imi qiningaangami, partiit borgmesteriutitaqartut suleqatigiinnissamut isumaqatigiissusiorput. 2023-imi partiit pingasut akornanni nutaamik suleqatigiinnissamut isumaqatigiissusiortoqaqqippoq. Tamannalu Iliuusissatut pilersaarutip 2023-ip ateqaatigaa.
Kommunalbestyrelsi qinigaaffiup affaani siullermi periusissiortussaavoq kommunimut pilersaarummik aalajangiiffiginnissaguni, kommunimut pilersaarutip kommunalbestyrelsip siulimi aalajangersimasaanut taartissatut. Taamatut tunngaveqarluni kommunalbestyrelsip kommunimut pilersaarut kommunalbestyrelsimut nutaamut ingerlateqqippaa. Taamaalilluni taaguut una pilerpoq Kommune Qeqertalimmi kommunimut pilersaarut 2025-2037.
Takorluugaq
Suleqatigiinnissamut isumaqatigiissummi takorluugaq aalajangerpaa: Kivitseqatigiissaagut.
Pingaartitat
Kommunalbestyrelsip 2020-mi naleqartitat sisamat akuerai:
- Ataqqeqatigiinneq.
- Attaveqaqatigiinneq.
- Suliamik pimoorussineq
Periaasissatigut iliuuseqarfigisassat
Suleqatigiinnissamik isumaqatigiissummi periusissiorluni suliniuteqarfissat 12-it aalajangiunneqarput:
- Kommune Qeqertalimmi eqaatsumik pitsaasumillu aqutsineq ingerlatissavarput
- Inuit ataasiakkaat sunniuteqaqataanerat
- Siusissukkut iliuuseqartarneq
- Meeqqat atuarfia
- Utoqqarnut suliassaqarfik
- Innarluutilinnut tunngasut
- Meeqqat inuusuttuaqqallu sunngiffimmi ornittagaat
- Pinaveersaartitsineq
- Inuutissarsiornermi inerisaaneq
- Qimuttut
- Kikkut tamarmik toqqissisimanartumik angerlarsimaffeqarnissamik pisinnaatitaaffeqarnerat pitsanngorsarneqassaaq.
- Sisorarfimmi majuartaatit
Immikkoortunut pilersaarutit
Kommunimut pilersaarummi kommunimi immikkoortortanut pilersaarutit ataqatigiissumik nalilersorneqassapput. Iliuusissatut pilersaarummi periusissiorluni suliniuteqarfissani aqqaneq marluusuni allaaserineqassaaq, periusissiorluni suliniuteqarfissat kommunimut pilersaarummi qanoq inissisimassanersut.
Innuttaasumit siunnersuut
2023-imi tamanut ammasumik ataatsimiisitsisarnerni kommunimut pilersaarut borgmesterimit ima ilisaritinneqartarpoq:
Kommunalbestyrelsimit pingaartinneqarpoq kommunip siunissaa pillugu pilersaarusiornermi innuttaasunik akuutit-sinissaq, tamannalu innuttaasut oqartussaaqataanerannut aqqutissaasoq. Kommunimut pilersaarut tassaavoq, kommunimi kommunalbestyrelsiusup kommunimut tamarmut pilersaarusiassaa. Kommunimut pilersaarummi pingaarnerusutigut aalajangersarneqartarput illut, suliffeqarfiit, paaqqinnittarfiit, angallannermut tunngasut allallu teknikkikkut atortulersuutit sumi qanorlu inissisimanissaat. Pilersaarummi immikkoortunik immikkoortortanik taaneqartartunik agguataarisoqartarpoq, immikkoortunut atuinissamut il.il. najoqqutassaasut.
Atatsimiinnerni tamakkunani innuttaasut isummersuutiminnik saqqummiussuisinneqartarput siunissaq pillugu siunnersuutiminnik. Siunnersuutit tamakku maanna iluarsaanneqarsimapput sammisanut immikkoortiterneqarsimallutik, Kommunimi takorluukkanut, naleqartitanut periusissiorlunilu suliniuteqarfinnut. Innuttaasut siunnersuutaat aamma kommunip politikkikkut ukkataqarfiinut INOQARFIK, TIMI TARNI AAMMA INUIT-nut immikkoortiterneqarput.
Innuttaasunik ataatsimiisitsinerit avataatigut innuttaasut aamma siunnersuutiminnik immersugassanik immersuillutik nassiussinissaannut kaammattorneqarput.
Tamakku ingerlanneqarput piffissami 17-04-miit 10.05.2023 ilanngullugu.
Innuttaasunik ataatsimiisitsisarnernit inernerit ilanngussaq 3-mi takuneqarsinnaapput, isumassarsiorfissatut. Kommune Qeqertalik periaaseq taanna atorlugu missingersuusiortarpoq, periaaseq CBS-imit (Copenhagen Business School) ineriartortinneqarsimasoq.
Siunnersuutit isumassarsiorfissatut ilusilersornerisigut tamatumunnga atatillugu siunertaavoq:
Innuttaasunit siunnersuutit suussusersissallugit, immikkoortitissallugit ataqatigiisissallugillu Kommunalbestyrelsip takorluugaanut, naleqartitaanut periusissiorlunilu suliniuteqarfissaanut.
Iliuusissatut pilersaarummi 2023-imi innuttaasut siunnersuutaat katersorneqarsimapput, Kommunalbestyrelsimit pingaarnersiorneqarsinnaallutik, toqqarneqarsinnaallutik siunnersuutit piviusunngortinnissaannut.
Innuttaasunit siunnersuutit ilagaat kommunimut pilersaarut ukiuni qulinoortuusassasoq. Pilersaarusiornermili inatsit naapertorlugu kommunimut pilersaarut sivikinnerpaamik ukiuni aqqaneq marlunni sivisussusilerneqartartussaavoq.
Iliuusissatut pilersaarummi periusissiorluni suliniuteqarfissani tamani allassimasassaaq, innuttaasunit siunnersuut qanoq ililluni kommunimut pilersaarummut ilaatinneqassanersoq.