Kommune Qeqertalimmi kommunimut pilersaarummi 2025-2037-mut siunnersuummut tusarniaaneq kiisalu Immikkoortunut pilersaarutinut 35-nut siunnersuummut tusarniaaneq
Kommune Qeqertalimmi Kommunimut pilersaarummut 2025-2037 siunnersuut Kommunalbestyrelsimi 27.03.2025 akuerineqarpoq.
Kommunalbestyrelsip ataatsimiinnerani aalajangiinermut atatillugu Siumut ikinnerussuteqarluni oqaaseqaateqarpoq.
Kommune Qeqertalimmi kommunimut pilersaarummi 2025-2037-mut ilanngullugu Immikkoortunut pilersaarutinut 35-nut siunnersuut tusarniaassutigineqarpoq.
Ikinnerussuteqarluni oqaaseqaat nittartakkami tusarniaanermi atugassiaq iserfigalugu atuarsinnaavat.
Qeqertaliup kommunimut pilersaarutaa 2025 -2037-mut
Nunap Immikkoortuani Pilersaarutit
Tamanut tusarniaaneq:
Piffissami: 31.03.2025 – 02.06.2025.
Akerliliinerit, oqaaseqaatit aamma allannguutissatut siunnersuutit kommunimut, kingusinnerpaamik 02.06.2025 nal. 24:00 nassiunneqareersimassapput.
Tusarniaanermi akissuteqaatit toqqaannartumik kommunimut allassinnaavat una iserfigalugu Kommunimut pilersaarummut nittartagaq imaluunniit uunga mailikkut plan@qeqertalik.gl. Akissuteqaatit aamma najukkanni Sullissivimmut tunniussinnaavat imaluunniit kommunimut nassiullugu.
Ikinnerussuteqaluni oqaaseqaat
Kingumoorluta oqaatigissuarput Kommune Qeqertaliup pilersaarutaa 2025-2037 pilersaarutit naaggaarpagut kommunitsinni innuttaasunut nunaqarfinni illoqarfinnilu tusarniaanerit ingerlanneqarsimanngimmata aatsaat tusarniaasoqareerpat saqqummiussat aallavigalugit nalilersuissuugut.
Kommuneplanimut ilanngukkusutagut ataani allaqqapput nunaqarfinni illoqarfinnilu pilersaarutinut ilanngutassatut siunnersuutit, saniatigullu tusarniaanerit ingerlanneqartariaqartut kommunalbestyrelsinngortunut nutaanut suliaq ingerlateqqitassanngorparput.