Kommune Qeqertaliup siunnerfilimmik suliaraa eqqissisimatitsineq eriaginninnerlu, najukkami kulturikkut kingornussarsiat illullu oqaluttuassartaasa naleqassusiat qulakkeerniarlugit, taamaakkaluartorli aamma nutaaliornikkut pisariaqartitat akuersaartumik pissuseqarfigalugit. Kalaallit Nunaanni katersugaaseqarneq pillugu inatsit naapertorlugu kommuni katersugaasivimminut malittarisassiortussaavoq aammalu sanaartukkat silatimikkut ilusaat pillugu politikkiliortussaalluni (arkitekturpolitik), tassani tunngavissat aalajangersarneqassallutik, illut qanoq isikkoqarnissaat, angissuseq, sananeqaataat sanaartornermilu atortussat suut atorneqassanersut ilanngullugit.
Illut eriagisassat killiffiat nalilersorneqassaaq, ilanngullugu illut allat eriagisassanngortinneqassanersut aamma ilanngullugu, eriagisassatut inissisimareersut killiffiat attatiinnarneqassanersoq atorunnaarsinneqassanersulluunniit 1950-ikkunni illuliaasimasut eqqarsaatigalugit. Peqatigitillugu kommunip Nunatta Katersugaasivia suleqatigerusuppaa illut eqqissisimatitassat toqqarnissaat nalilersornissaallu, kiisalu nakkutilliisussaatitaaneq pilersaarusiornissallu ataqatigiissaarneqarnissaat pillugit.
Kommunip ilanngullugu qulakkiissavaa, nuna tamakkerlugu suliassaqarfinnut pilersaarutit ersarissarneqarnissaat NunaGIS-imilu nutarterneqarnissaat, taamaaliornikkut kommunimut pilersaarummut ingerlaannaq ilanngunneqarsinnaaniassammata. Eqqissisimatitanut atatillugu soorlu Kitsissunnguit aqutsinermut pilersaarusiortoqassaaq, Pinngortitamik illersuineq pillugu inatsit aamma eqqissisimatitsinermut nalunaarutit naapertorlugit.
Nunamik eqqissisimatitassamik pilersitsinissaq pillugu isummertoqassaaq suliamillu nangitsineq ilaatigut aningaasaateqarfimmut Best Life-mut qinnuteqaasiorluni, suliassaqarfimmi TIMI TARNI-mi. Illuliortiternermi sanaartornermilu illuliortiternermi malittarisassanik malinninnissaq kommunip qulakkiissavaa, kiisalu illut eriagisassat § 2-milu nunaminertat pillugit najoqqutassanik ineriartortitsineq isumagalugu.
Illunik asiulersunik pisariaqartumik aserfallatsaaliuineq aammalu sanaartukkanik nutaaliornermi kalaallit kulturikkut kingornussarsiaannikik ataqqinninnerup oqimaaqatigiissaarnissaa pingaartinneqassaaq. Naggataatigullu aamma kommunip kommunimut pilersaarummi illut eriagisassat eqqissisimatitallu misissuataarniarpai qulakkeerniarlugu toqqarneqarsimasut allassimaffiat nutarterneqarsimassammat allassimaffimmiittullu naleqquttuunersut.
Katersugaasiviit malittarisassallu: Nunatsinni katersugaasiveqarneq inatsit naapertorlugu kommuni katersugaasivimminut malittarisassiortussaavoq.
Illuliortaatsimut politikki: Kommuni arkitekturpolitik-iliorsinnaavoq, tassa illut sanaartorneqartut qanoq ilusilersorneqartarnissaat pillugu najoqqutassiorsinnaavoq, tassani aalajangersarneqarsinnaallutik tunngavissat, illut silataat qanoq isikkoqarnissaat pillugu, angissusissat, sananeqaataat sanaartornermilu atortussiat suut atorneqassanersut.
Illut eriagisassat: Illut eriagisariaqartut pillugit killiffii pillugit kommuni nalilersuissaaq, toqqagassat nutaat ilanngullguit, aammalu 1950-ikkunni sanaartukkat killiffiinik attassiinnarnerit killiffiinilluunnit atorunnaarsitsinerit.
Illut eqqissisimatitat: Nunatta Katersugaasivia suleqatiserineqassaaq illut eqqissisimatitat toqqarneqarnissaat nalilersorneqarnissaallu, kiisalu nakkutilliinermi pisussaaffiit pilersaarusiornerlu ataqatigiissaarnissaasa isumagineqarnissaat.
NunaGIS aamma paasissutissat: Nunatta Katersugaasivianik attaveqarnikkut NunaGIS-imi nuna tamakkerlugu immikkoortortakkaartumik pilersaarutit ersarissisissallugit paasissutissallu nutartisssallugit tamakkulu kommunimut pilersaarummut ilaatilissallugit.
Aqutsinissamut pilersaarutit: Nunap immikkoortuinut eqqissisimatitanut aqutsinermut pilersaarusiorneeq, soorlu Kitsissunnguit eqqarsaatigalugit pinngortitamik illersuineq pillugu inatsit aamma eqqissisimatitsineq pillugu nalunaarutit naapertorlugit.
Nuna eqqissisimatitaq aamma Kitsissunnguit: Nunamik eqqissisimatitassamik pilersitsinissaq pillugu isummerneq, suliamillu nangitsineq ilaatigut aningaasaateqarfimmut Best Life-mut qinnuteqaasiorluni.
Sanaartornermi malittarisassat nakkutilliinerlu: Illuliortiternermi sanaartornermilu illuliortiternermi malittarisassanik malinninnissap qulakkeernissaa, kiisalu illut eriagisassat § 2-milu nunaminertat pillugit najoqqutassanik ineriartortitsineq.
Oqaluttuarisaaneq eriagalugu nutaaliorneq: Illunik asiulersunik pisariaqartumik aserfallatsaaliuineq aammalu sanaartukkanik nutaaliornermi kulturikkut kingornussarsianik ataqqinninneq.
Oqaluttuassartaanik eqqartuilaarneq: Kommunimut pilersaarummi illuutit eriagisassat eqqissisimatitassallu pillugit misissuineq, tamakku pillugit paasissutissat nutarternissaat allanillu toqqaasoqartariaqarsinnaanera eqqarsaatigalugu.
Immikkoortortanut suliassani makku ukkatarineqassapput:
- Kalaallit Nunaanni oqaluttuarisaanermik kingornussamillu aallaaveqartumik piujuaannartitsinermut illersuinermullu politikkimik nutaamik suliarinninnissaq anguniarneqassaaq.
Immikkoortortanut suliassani makku ukkatarineqassapput:
- Malittarisassat piumasarineqartut suliarinissaat.
- Namminersorlutik Oqartussat suleqatigalugit sakkussanik digitaliusunik suliaqarnissaq ineriartortitseqqinnissarlu isumagissallugit.
- Sakkussat tamakku qulakkiissavaat nunap immikkoortuisa eqqissisimatitat, inoqarfinni avataannilu asimilu illut eqqissisimatitat ilanngullugit.
- Attaveqaasersuutitigut atortulersuutit kommunip Namminersorlutillu Oqartussat akisussaaffiinut iluaqusiisussat.
Kommune Qeqertalimmi kommunimut pilersaarummi 2025-2037-imi innuttaasut siunnersuutaat ilaatinneqassapput:
- Innuttaasut peqataatinneqassapput kusanartunik najugarissaartumillu ineriartoqqiinermi, kalaallini naleqartitat ataqqillugit aammalu ilanngullugit.