Tusarniaanermut - Immikkoortortat pillugit pilersaarut

21.08.2017

Nunap immikkoortuanut Angallanneq aamma nunatat sanaartorfiunngitsut pillugit Pilersaarutit pisortatigoortumik nalunaarutigineqarneri

Kommunalbestyrelsip ulloq 4. juli 2017 ataatsimiinnermini nunap immikkoortuini Angallanneq nunatallu sanaartorfiunngitsut pillugit pilersaarusiat akuerai.

Nunap immikkoortuini pilersaarutit ”Aqquserngit, aqqutit aamma Angallanneq” pillugit siunissami kommunep aqqusernginut aqquteeqqanullu ataatsimoortumik ingerlatsiffiunissaannut tunngaviliissapput, kiisalu illoqarfiit iluini angallannikkut isumannaannerutitsinissamik kissaateqarnermut pitsanngorsaataassapput. Nunap immikkoortuini pilersaarusiornermut atatillugu illoqarfiit nunaqarfiillu tamarmik nunap assiliorneqarsi-mapput, aqquserngit nalunaarsorlugit, aputaajaasarnerit katersuiviillu, kiisalu napparsimmaviit qulimiguu-linnullu mittarfiit akornanni aqqutit kiisalu asfaltilersuinissamut kissaatit.

Nunap immikkoortuinut pilersaarut ”Nunaminertat atorneqanngitsut aamma inuummarissaatigalugu sam-misassaqartitsiviit” katersuiffiuvoq kommunep illoqarfiit nunaqarfiillu siunissami ineriartornikkut kissaataannik nunaminertat sanaartorfiunngitsut kiisalu najugaqarfinni nunatat ammasut aammalu sammisassaqartitsivittut pitsanngorsaaffissatigut periarfissatut kissaatit. Taamaasilluni Nunap immikkoortuinut pilersaarusiaq taanna atorlugu ataatsimoortumik takussutissiortoqarpoq pilersaarusiornissamullu tunngavissiortoqarluni siunissami ineriartornermut sanaartornikkut qitiutitsisumik illoqarfiillu iluinut pilersaarusiornissamut.

Pilersaarusioriaasissiat atuarnissaanut periarfissaqarputit kommunep pilersaarutaanut iserfissiaq nutaaq www.qaasuitsup.plania.gl qupperlugu imaluunniit iserfissiamut ”PILERSAARUSIORIAASEQ” toorlugu.

 

22.12.2016

Immikkoortortanut pilersaarusiat Attaveqaatinut Sanaartornermut Avatangiisinullu ataatsimiisitap ulloq 30/06/2015 ataatsimiinnerani akuersissutigineqarput pilersaarusianut ataqatigiissaarinermi periusissiallu suliniutillu ingerlaavartumik pilersinniakkanut akuliunneqartussat tulleriiaarneqarnerini sakkussatut.

Immikkoortortaanut pilersaarutit sapaatip akunnerini qulit tusarniutigineqarpoq 22.12.2016-imiit 02.03.2017-imut.

Immikkoortunut pilersaarutit sakkussatut isigineqassapput kommunep iliuuseriniagai periusissiaalu katersussallugit sumiiffinnut imaluunniit qulequtsiussanut anguniakkallu suliniutillu ersarissaavigalugit, ataavartumik suliniutitut piviusunngortitassat.

Immikkoortortanut pilersaarutit aamma pilersinneqarput Namminersornerulernermi Oqartussanit kissaatigineqarmat immikkoortortat akimorlugit ataasiunerusumik ataqatigiissumillu immikkoortortaqarnissaq kiisalu pitsaanerusumik ataqatigiissaarisarnissaq kommunit Namminersuornerullutillu Oqartussat akornanni.

Eqqarsaataavoq kommunimi immikkoortortanut arlalinnut arlaqartunik pilersaarusiornissaq. Siullermik illoqarfiit soqannginnersaat suli sanaartorfigineqanngitsut angallannerlu suliarineqarput.

Immikkoortortaanut pilersaarutit pillugu kommunalbestyrelsip innuttaasut, kattuffiit kiisalu suliffeqarfiit oqaloqatigerusuppai. Imaaliussaatit, allakkatigut uunga, plan@qaasuitsup.gl imaluunniit sianerlutit oqarasuaammut 947846, 947655 imaluunniit 947873. Aamma tusarniaanermut pilersaarutinut isertarfikkut toqqaannartumik akissuteqarsinnaavutit ugguuna: www.qaasuitsup.plania.gl/gl/tusarniaanermut_akissut

Tusarniaanermut akissut